Dua a drayber, nadunor iti panagdinnungpar ti e-bike ken motorsiklo

Nadunor dagiti dua a drayber iti panagdinnungpar ti electric bike ken motorsklo iti national highway ti Barangay San Isidro, Candon City, Ilocos Sur.

Ti motorsiklo ket minaneho ti babai nga agtawen iti duapulo ket tallo, agnaed iti Barangay Calaoa-an.

Ti met e-bike ket minaneho ti lalaki nga agtawen iti sangapulo ket siam, agnaed iti Barangay San Isidro.

Agpapa-abagatan ti motorsiklo idinto nga adda iti bangir a linya ti e-bike.

Idi madanonda ti nakapasamakan ti aksidente, nagsikko iti kannigid ti e-bike a sumrek iti Abaya Street ket nagdinnungpar dagiti dua a lugan.

Naipaagas dagiti dua a drayber iti ospital para iti naan-anay a pannakatamingda.