--Ads--
Nadunor dagiti dua a drayber iti panagdinnungpar dagiti minanehoda a motorsiklo iti national highway iti Barangay Barangobong, Sta. Lucia, Ilocos Sur.
Karaman iti aksidente ti maysa a Mio Sporty a minaneho ti agtawen iti tallopulo ket tallo, agnaed iti Barangay Oaig-Daya, Candon City.
Ti met Honda TMX ket minaneho ti maysa a lalaki nga agtawen iti limapulo ket dua, agnaed iti Barangay Calaoaan.
Maibasar iti CCTV footage, agpapa-abagatan ti TMX, ket idi madanonna ti nakapasamakan ti aksidente, bigla a simrek iti national highway ti Mio isu a napasamak ti panagdinnungpar.
-- ADVERTISEMENT --
Gapu dayta, nagsagaba iti minor injuries dagiti dua a drayber ket naipaagasda iti ospital para iti naan-anay a pannakatamingda.
