Dua a drayber ti nadunor iti aksidente napasamak iti Brgy. Road Bateria, San Esteban, Ilocos Sur.
Nabigbig ti nagmaneho iti black Rusi motorcycle a ni Christian Jim Antonio, agtawen iti tallopulo, awan asawana, business owner ken agnaed idiay Brgy. Quinarayan, Narvacan.
Ti met nagmaneho iti Keeway motorcycle ket ni Hajay Ayson Natividad, agtawen iti duapulo ket siam, awan asawana, delivery boy, ken agnaed idiay Brgy. Cappa-cappa, San Esteban.
Iti pannaki-uman ti Bombo Radyo Vigan ken ni Police Captain Oliver Sari iti San Esteban Police Station, agpapa-abagatan ti Rusi idinto nga adda iti bangir a linya ti Keeway, ket idi madanonda ti nakapasamakan ti aksidente, nag-overtake ti Keeway iti sarsarunwenna a motorsiklo isu a napan iti linya ti Rusi a puon ti panagdinnungparda.
Naipaagas iti ospital dagiti dua a drayber para iti naan-anay a pannakatamingda.
