Nadunor dagiti dua a drayber iti panagdinnungpar dagiti minanehoda a motorsiklo iti barangay road ti Pudoc, San Vicente, Ilocos Sur.
Ti nagmaneho iti Suzuki Raider 150 a motorsiklo ket agtawen iti sangapulo ket siam, taga-Barangay Pantay Fatima, Vigan City, backrider-na ti agtawen iti sangapulo ket walo a taga-Barangay Pudoc.
Kabayatanna, ti met nagmaneho iti Honda XRM 125 ket agtawen iti uppat a pulo, taga-Barangay Pudoc.
Agpapadaya ti Raider idinto nga adda iti bangir a linya ti XRM ket idi nadanonda ti nakapasamakan ti insidente, immagaw iti linya ti XRM isu a nagdinnungparda iti Raider.
Nadunor ti nadumaduma a paset ti bagi dagiti dua a drayber ket naipanda iti ospital para iti naan-anay a pannakatamingda.
Nakainom ti drayber ti XRM idi mapasamak ti aksidente.
