Dua a drayber ti nadunor iti napasamak nga aksidente iti national highway ti Barangay Las-ud, Tagudin, Ilocos Sur.
Ti drayber ti Honda Click a motorsiklo ket agtawen iti tallopulo keta walo, taga-Barangay Bio.
Ti met drayber ti traysikel ket agtawen iti duapulo ket walo, tricycle driver, taga-Barangay Las-ud, a daytoy ket nakainom.
Nairaman pay ti nakaparking a Blue Rusi Royal 125 kukua ti maysa a tagaBarangay Las-ud.
Iti pannaki-uman ti Bombo Radyo Vigan ken ni Police Major Kleyvan Paycao Dalang, Officer-in-charge ti Tagudin Police Station, agpapa-abagatan ti motorsiklo idinto nga adda iti bangir a linya ti traysikel.
Mapapati a nag-overtake ti traysikel ket saanna a napakadaan ti sharp curve a paset ti kalsada ket nadungparna ti agpapa-amianan a motorsiklo.
Kalpasan dayta, nadungparda pay ti nakaparking a motorsiklo iti igid ti kalsada.
Gapu dayta, nagsagaba iti head contusion ken dunor iti nadumaduma a paset ti bagi ti drayber ti motorsiklo, idinto a ti drayber ti traysikel ket nadunor ti akin-kannigid nga abaga ken akin-kannawan a luppona.
