Dua a drayber ti motorsiklo ti nadangran iti panagdinnungpar ti luganda idiay Barangay Lao-ingen, Sto. Domingo, Ilocos Sur.
Nabigig ti nagmaneho iti Honda TMX 155 motorcycle a ni Romel Tabangin Tabbuan, agtawen iti tallopulo ket maysa idinto a ti nagmaneho iti Yamaha Mio-I 125 ket ni Aldren Paul Molina Bermudez, agtawen iti sangapulo ket siam, agpada nga agnaed iti nasao a lugar.
Agpapa-abagatan ti Honda TMX idinto nga adda iti bangir a linya ti Yamaha Mio ket idi nagtengda ti kurbaan a paset, nagdinnungpar dagiti dua a motorsiklo iti tengnga ti kalsada.
Gapu dayta, natukkol ti akin-kannigid a saka ti drayber ti Mio ken nagasgasan ti rupana idinto a ti drayber ti Honda TMX ket nagsagaba met iti minor injuries.
Agpada a naipaagas iti ospital dagiti drayber para iti naan-anay a pannakatamingda.
