Dua a drayber ken tallo a pasahero ti nadunor iti napasamak nga aksidente iti provincial road ti Barangay Barangobong, Sta. Lucia, Ilocos Sur a nakairamanan ti dua a traysikel.
Ti Honda TMX 155 tricycle ket minaneho ni Glenn Froilan Hadloc, agtawen iti sangapulo ket walo, taga-Barangay Conconig East, Sta. Lucia.
Ti met Yamaha XTX 125 tricycle ket minaneho ni Peter Peralta Macabangon, agtawen iti limapulo ket uppat, awan driver’s license na, inluganna da Marigean Elizaga Macabangon, agtawen iti limapulo ket lima; Joy Elizaga Macabangon, agtawen iti tallopulo; ken ti maysa a lalaki nga agtawen iti sangapulo ket pito nga agpapada a taga-Barangay Namatican, Sta. Lucia.
Agpapa-abagatan ti TMX tricycle idinto nga adda iti bangir a linya ti XTX 125 tricycle, ket idi magtengda ti nakapasamakan ti insidente, immagaw ti linya ti TMX tricycle ket nadungparna ti akin-kannawan nga igid a paset ti XTX tricycle.
Gapu dayta, agpada a nadunor dagiti dua a drayber ken dagiti pasahero a naipaagas iti ospital a naipaagas iti ospital para iti naan-anay a pannakatamingda.
