Tallo nga indibidual ti nadunor iti panagdinnungpar ti motorsiklo ken traysikel iti national highway ti Barangay Parada, Sto. Domingo, Ilocos Sur.
Karaman iti aksidente ti maysa a Kawasaki Barako 175 motorcycle a minaneho ti lalaki nga agtawen iti innem a pulo ket uppat, agnaed iti Barangay Talogtog, Dolores, Abra.
Kinalubbonna ti kaanakanna nga agtawen iti tallopulo ket maysa.
Ti met traysikel ket minaneho ti lalaki nga agtawen iti pitopulo, taga-Barangay Nagbettedan, Sto. Domingo
Agpapa-amianan ti motorsiklo idin ta bigla a nag-U-turn ti traysikel manipud amianan a nagpaabagatan.
Gapu dayta, naidungpar ti motorsiklo iti igid ti traysikel isu a naawanan met iti balanse ken naitinnag iti sementado a kalsada dagiti nagkalubbon.
Agpada a nadunor dagiti dua a drayber agraman ti backrider ket naipaagasda iti ospital para iti naan-anay a pannakatamingda.
