Nadunor dagiti dua a drayber ken maysa a backrider gapu iti napasamak nga aksidente iti national highway ti Barangay Becques, Tagudin, Ilocos Sur.
Nabigbig ti drayber ti traysikel a ni Ronald Barga Corpuz, agtawen iti uppat a pulo, taga-Barangay Libtong, Tagudin, inluganna da Connie Rose Licudine Lutrania, agtawen iti uppat a pulo ket lima, mangisursuro, a taga-Barangay Becques.
Ti met nagmaneho iti NMAX a motorsiklo ket ni Jimwell Hulingaga Nucasa, agtawen iti duapulo ket maysa, taga-Tebbeg, Suguidan Norte, Naguilian, La Union, backride-na ni Lyndon Ferrer Antonio, agtawen iti duapulo ket walo, CCTV installer, taga-Tampuyog Street, Zone 3, Lingsat, San Fernando City, La Union.
Agpapa-abagatan ti motortsiklo idin ta bigla a bimmallasiw ti traysikel a naggapu iti shoulder lane isu a nagdinnungparda.
Naipaagas dagiti drayber ken backrider iti ospital para iti naan-anay a pannakatamingda.
