VIGAN CITY – Dua a drayber ken dagiti pasaheroda ti naipaagas iti ospital gapu ti lemma a sinagrap ti nadumaduma a paset ti bagida iti panagdinnungpar dagiti luganda idiay Barangay Poblacion, San Vicente, Ilocos Sur.
Ti Hyundai Starex van ket minaneho ni Rosario Alcain Ped, agtawen iti limapulo, agnaed iti Barangay Sta. Elena, Vigan City, inluganna ni Rudy Florendo, agtawen iti limapulo ket uppat, taga-Barangay Puroc a Dakkel, Vigan City.
Ti met Mercedes benz Van ket minaneho ni Renz Tomaneng Fernandez, agtawen iti duapulo ket uppat, taga-Barangay Paras Sto. Domingo.
Inluganna da Adrian Orata ken ni Samuel Pascual, agtawen iti sangapulo ket walo; ken ni Raiel Wilson Cabug, agtawen iti sangapulo ket siam, agnaed iti Barangay Pagsanajan, Magsingal.
Agpapaabagatan dagiti dua a lugan ket idi madanonda ti nakapasamakan ti insidente, agsikko ti Starex van idi nadungpar daytoy ti Mercedes benz van.
Natakuatan nga agpada a nakainom dagiti drayber ti dua a lugan.
