--Ads--
Agpada a nadundunor dagiti drayber ti motorsiklo ken ti maysa a backride gapu iti napasamak nga aksidente iti provincial road ti Barangay Nalasin, Sto. Domingo, Ilocos Sur.
Nabigbig ti nagmaneho iti Honda Click motorcycle a ni Denmark Viernes Puzon, agtawen iti tallopulo ket dua, backrider-na ni Nestor Tubog Tabbuada, agtawen iti innem a pulo ket tallo, agpada a taga-Barangay Binongan, Sto. Domingo.
Ti met nagmaneho iti Yamaha Aerox 155 a ni Calvin John Supnet, taga-Barangay Marozo, Narvacan.
Agpapadaya ti Honda Click idinto nga agpa-amianan met ti Aerox ket idi magtengda ti intersection, nadungpar ti napaspas patarayna a Aerox ti Honda Click.
-- ADVERTISEMENT --
Nadunor dagiti karaman ket naipaagasda iti ospital para iti naan-anay a pannakatamingda.
