VIGAN CITY – Pimmusayen ti dua a drayber iti motorsiklo iti aksidente a napasamak iti Tamag, Vigan City.
Segun iti Vigan City Police Station, nabigbig ti nagmaneho iti Yamaha Aerox a color blue a ni Christian Servania Quinagon, agtawen iti duapulo ket innem, naasawaan, printer idinto a ti kinalubbonna ket ni Ronald Khier Ponce Frio, agtawen iti sangapulo ket walo, baro, awanan trabaho nga agpada nga agnaed idiay Brgy. Pandan, Caoayan.
Ti nagmaneho iti puraw a Honda Click ket ni Carlo Jonel Quirit Gabuat, agtawen iti duapulo ket maysa, baro, helper nga agdama nga agnaed idiay Brgy, Pantay Quitiquit, Caoayan.
Segun iti nakakita a ni Romel Cabag, daldalyasaten ni Quinagon iti Quirino Blvd nga agturong iti amianan a direksyon idinto a ni Cabag ket aggapu iti bangir a direksyon ket nagdinnungparda iti tengnga a paset iti kalsada.
Gapu ti dayta, nadundunor iti nadumaduma a paset ti bagi dagiti tallo a gappuanan iti pannakaipanda iti Ilocos Sur Provincial Hospital Gabriela Silang para iti pannakatamingda ngem saanen a naisalakan ti biag dagiti dua a nagmaneho idinto nga agpapalaing met ti backrider.
