Tallopulo ket lima a tattao iti natay ken adu iti nadunor iti agsina a bus accident idiay Pakistan.
Immuna a napasamak iti aksidente iti maysa a bus a nagilugan ti Shiite Muslim pilgrims nga agsubli idiay Iraq iti natinnag iti derraas iti southwest Pakistan a nakatayan iti sangapulo ket dua a tattao ken nakadunoran iti tallopulo ket dua.
Naamoan a saan a nakontrol ti driver iti manibela bayat iti kaaddada iti Makran coastal highway idi napaay a nagpreno bayat ti panagdalyasatna iti Lasbela district idiay Baluchistan province.
Kalpasan laeng iti mano nga oras ket simmaruno a natinnag ti maysa a bus iti derraas idiay Kahuta district iti daya a paset ti Punjab province a nakatayan iti duapulo ket tallo a tattao pakairamanan dagiti dua a babbai ken pito nga ubbing ken adda pay pito a nadundunor.
Gapu ti pasamak ket nakipagladingit da Pakistan President Asif Ali Zardari ken Prime Minister Shenbaz Sharif kadagiti pamilia dagiti natay idinto a kiniddawda kadagiti otoridad a siguradoen ti pannakaagas dagiti nadundunor.
