VIGAN CITY – Dua a baro a kaso ti Covid19 ti nairekord manen ditoy Ilocos Sur kalpasan iti pannakaideklararna a Covid19 free.
Ti maikapitopulo ket lima a pasyente a lalaki ket agtawen iti uppat a pulo ket innem, returning resident ti Brgy. Dasay, Narvacan nga isu ket seafarer.
Asymptomatic ti pasyente, napan idiay Metro Manila, adda exposure na kadagiti lugar a narisgo iti Covid19 ngem limitado laeng dagiti nakapulapolna.
Kabayatanna, ti maikapitopulo ket innem a pasyente a lalaki met laeng ket agtawen iti duapulo ket uppat, Authorized Person Outside Residence ta isu ket maysa a uniformed personnel a taga Brgy. Sulvec, Narvacan.
Asymptomatic ti pasyente, awanan ti travel history na, adda exposure na kadagiti lugar a narisgo iti nasao a sakit ken adu dagiti nakapulapolna.
Gapu ti dayta, maidalan iti Extreme Enhanced Community Quarantine dagiti lugar a naibilang a Criticial Zone; Modified Enhance Community Quarantine dagiti Containment Zone ken General Community Quarantine dagiti adda iti Buffer Zone manipud October 30 agingga November 13.
