VIGAN CITY – Maysa a lalaki nga agtawen ti tallopulo ket dua a taga-Paduros, Burgos, welder ken returning overseas filipino ti maikalimapulo ket innem a kaso ti Ilocos Sur.
Asymptomatic ti pasyente, adda ti travel history na idiay Kingdom of Saudi Arabia ken National Capital Region ngem manmano laeng ti nakapulapolna.
Kabayatanna, ti maikalimapulo ket pito a kaso ket maysa a lalaki nga agtawen ti limapulo ket maysa a taga-Antipolo, Rizal, maysa a cargo porter ken isuna ket maysa nga Authorized Person Outside Residence.
Asymptomatic met laeng ti pasyente, adda travel history na iti National Capital Region ken Northern Luzon.
Adda exposure na kadagiti lugar a narisgo iti Covid19 ken adu dagiti nakapulapol isu a mangrugi ita nga aldaw (August 16) agingga August 30 ket maidalan iti enhanced community quarantine dagiti lugar a naibilang a critical zone, modified enhanced community qurantine dagiti lugar a naibilang a containment zone ken general community quarantine dagiti lugar a naibilang a buffer zone.
