VIGAN CITY – Nakemmeg ti dua a babai iti naisayangkat nga entrapment operation gapu iti falsification of documents idiay Brgy. Gabur, Sta. Cruz.
Dagiti suspek ket nabigbig a da Belen Gabayan, agtawen ti uppat a pulo ket walo, awanan ti trabaho ken ni Liza Cabaduna Mina, agtawen ti duapulo ket innem, addaan ti live-in partner nga agpada nga agnaed iti nasao a lugar.
Ti naisayangkat nga entrapment operation dagiti pannakabagi ti linteg ket nakemmeg dagiti suspek kalpasan a nakitransakyon ti undercover agent ket na-isyuan iti peke a delivery receipt kas requirement para ti SPASS.
Dagiti naala nga ebidensya ket maysa a peke a resibo, maysa nga unit ti tablet a naaramat iti transaksyon ken surveillance videos.
Naipan iti Sta. Cruz Municipal Police Station dagiti suspek para iti proper disposition.
