--Ads--
VIGAN CITY – Maysa a babai iti nakemmeg ken dua a kadduana iti nakalibas iti napasamak nga anti illegal gambling operation idiay Brgy. Sabangan, Sinait.
Segun ti Sinait Municipal Police Station, nangisayangkat da iti operasyon ti nasao a lugar ket manarimaan iti panagayayam dagiti suspek ti tong-its ngem dua kadakuada ti napaspas a nakataray.
Kinumpiskar dagiti kapulisan ti lima gasut lima pulo ket lima a pisos a pusta, maysa a set ti baraha.
Ti agdama maisagsaganan iti kaso a sangwen dagiti suspek nga agpapada nga agnaed ti nasao a barangay.
-- ADVERTISEMENT --
