Dua ti nakemmeg iti buy-bust operation idiay Chico Bridge, Barangay Ambalayat, Tagudin, Ilocos Sur.
Nabigbig ti suspek a ni Prince Elmarey Lagasca, agtawen iti tallopulo ket maysa, street level individual, mekaniko ken ni Harry Lamarroza Limon, agtawen iti tallopulo ket siam, agpada nga agnaed iti Barangay Ambalayat, Tagudin, Ilocos Sur.
Naala kadakuada ti nasurok kumurang maysa a gramo ti maatap a shabu nga aggatad iti PHP6,800 a naikabil iti walo a heat-sealed transparent plastic sachet.
Dagiti non-drug evidence ket pakairamanan ti sangaribo a pisos a buy bust money, uppat a piraso ti PHP1000, dua a piraso ti paper bills iti nadumaduma a denominasyon, duapulo ket maysa a piraso ti barya iti nadumaduma a denominasyon, karton ti sigarilyo, dua a cellphone, eyeglass, sling bag, ID, Green Sports sling bag ken motorsiklo.
Sangwen dagiti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
