Pinalagipan ti Department of Trade and Industry-Ilocos Sur dagiti aglaklako iti Noche Buena product a sumurotda iti price guide nga intuding dagiti manufacturer ita a tiempo ti holiday season.
Iti pannaki-uman ti Bombo Radyo Vigan ken ni Annabelle Polanco, Supervising Trade and Industry Development Specialist, adda sumagmamano a business establishment nga inreportdan gapu iti saanda a panangsurot kadagiti nasken a presyo dagiti produkto kagiddan ti agtultuloy a price monitoring ti ahensia.
Dagiti agipataw iti presyo a nangin-ngina ngem iti naipaulog a price guide ket posible a mamuelta, kas inlawlawag ni Polanco.
Binalakadan met ti opisial dagiti konsyumer nga agridam ken ireport iti DTI no ammoda a saan a maikanatad ti presyo dagiti gatangenda a produkto.
