Inwaragawag ti Department of Trade and Industry nga imbabawin ti ahensia dagiti naipila a kaso kontra kadagiti 16 a kontraktor a mapapati a karaman iti maanomalya a flood control project.
Maibasar daytoy iti surat ni Construction Industry Authority of the Philippines (CIAP) alternate chairperson Regino Mallari Jr. ken ni Philippine Contractors Accreditation Board (PCAB) acting executive director Sergie Retome.
Karaman ditoy ti Legacy Construction Corporation; Alpha & Omega Gen. Contractor & Development Corp.; St. Timothy Construction Corporation; QM Builders; EGB Construction Corporation; Topnotch Catalyst Builders, Inc.; Centerways Construction and Development Inc.; ken Sunwest, Inc.
Kasta payen ti Hi-Tone Construction; Triple 8 Construction & Supply, Inc.; Royal Crown Monarch Construction & Supplies Corp.; Wawao Builders; MG Samidan Construction; L.R. Tiqui Builders, Inc.; Road Edge Trading & Development Services; ken Syms Construction Trading.
Innayon ni Mallari nga amin a preliminary order ken preventive measure ket nawaswas payen, agraman ti suspension iti negosio, pannakakumpiskar ti alikamen, pannakaipasarra dagiti establisimiento, panangmonitor kadagiti pumanaw ken sumrek iti pagilian.
