Nakaituding ti Department of Social Welfare and Development (DSWD) a mangidiaya ti baro nga oportunidad para kadagiti nagturpos iti Pantawid Pamilyang Pilipino Program wenno 4Ps babaen ti panagsimpa iti job fairs.
Babaen ti gagem a panangpapigsa ti 12,000 nga umili, dagiti nasao a job fair ket naituding ti kick off idi January 31 a gagem a masuportaran ti transition iti 4Ps beneficiaries iti stable employment tapno mapasayaat ti livelihood opportunities.
Segun ken ni Secretary Rex Gatchalian, dagiti nagsasaruno a job fair a naawagan a Trabaho para sa 4Ps ket naigagara para kadagiti graduating 4Ps beneficiaries tapno masigurado a saanda nga agsubli iti kinarigat.
Target ti DSWD ti 12,000 graduating members iti 4Ps para iti job fairs a mairugi idiay National Capital Region.
Inlawlawag ni Gatchalian a maibasar iti data manipod 4Ps National Program Management Office, 147,000 household beneficiaries idiay NCR iti manamnama nga agturpos ita a tawen.
