--Ads--
Inlawlawag ni Department of Social Welfare and Development (DSWD) Secretary Rex Gatchalian nga awan pay ti mapagpatpatangan nga ikkaten ti Pantawid Pamilyang Pilipino Program (4Ps) kagiddan ti pannakitaripnongna ken ni Senator Erwin Tulfo.
Immunan nga insingasing ni Sen. Tulfo ti pannaka-ikkat ti 4Ps ken masukatan ti mammaminsan a capital para kadagiti marigrigat a Pilipino.
Impaganetget ni Gatchalian nga enhancement wenno panangpapintas ti programa ti nagsaritaanda ken saan a panangikkat.
Segun ken ni Gatchalian, silulukat isuna ti reporma iti 4Ps kas ti rekomendasyon ti senador a panangted ti aftercare program wenno panangipaay ti capital tapno masigurado a dagiti agturpos manipod ti programa ket saanen nga agsubli iti kinarigat.
-- ADVERTISEMENT --
