DSWD, nangipaay iti P8.4-M a gatad ti humanitarian aid kadagiti adda iti evacuation center gapu iti panagalburuto ti Mayon Volcano

Umaboten iti nasurok P8.4 milion a gatad ti humanitarian aid ti naipaay ti Department of Social Welfare and Development iti probinsia ti Albay tapno tulongan dagiti pamilia a naapektaran iti panagalburuto ti Bulkang Mayon.

Segun ken ni DSWD Assistant Secretary Irene Dumlao, daytoy ket direkta a naipaima iti disaster response operation dagiti local government unit.

Agtultuloy ti panangipaayda iti tulong nangruna kadagiti pamilia nga adda kadagiti evacuation center.

Umabot met iti 1,100 a pamilia wenno 4,000 nga indibidual ti naibakwit ken adda kadagiti 12 nga evacuation center ti probinsia.