Nakaalerto ti Department of Social Welfare and Development (DSWD) kadua dagiti Field Office-da iti intero a pagilian sakbay iti Undas tapno mangipaay iti tulong kadagiti pamilia ken indibidual a posible nga agkasapulan iti tulong manipod DSWD.
Segun ken ni Assistant Secretary Irene Dumlao iti Disaster Response Management Group iti DSWD, imbilin ni Secretary Rex Gatchalian iti amin a regional directors a siguradoen a nakasagana amin a Field Offices iti aniaman a kasapulan a tulong dagiti umili nga agawid kadagiti probinsiada.
Umanay ti relief items ti departmento kas ti ready-to-eat food (RTEF), family food packs (FFPs), ken dadduma a food ken non-food items, kangrunaan para kadagiti indibidual a mabalin a ma-stranded bayat nga agbibiaheda kadagiti probinsia tapno bisitaen dagiti pimmusayen nga ay-ayatenda iti biag.
Naka-standby payen ti DSWD Quick Response Teams (QRTs) iti intero a pagilian tapno agtignay no kas bilang adda saan a nasayaat a mapasamak wenno insidente.
Naka-full alert payen iti QRTs tapno tumulong kadagiti local government units (LGUs) nu kas bilang kasapulanda ti augmentation support.
