--Ads--
Ingngaton ti Department of Social Welfare and Development ti red alert status kasaruno ti magnitude 7.8 a gingined idiay Sarangani.
Segun ken ni DSWD, nakasagana ti ahensia a mangipatulod iti nayon nga ayuda kadagiti pamilia a naapektaran iti gingined.
Iti agdama, adda naka-standby a 1.1 million a family food packs ken 80,172 a non-food items iti nadumaduma a bodega idiay Mindanao tapno masigurado a napardas ti panagresponde ken pannakaipaay ti tulong.
Agtultuloy ti pannakibinnuligda kadagiti lokal a gobierno ken dadduma pay nga ahensia tapno mabantayan ti sitwasion ken dagus a masungbatan ti kasapulan dagiti apektado a komunidad.
-- ADVERTISEMENT --
