Naka-red alert ti Department of Social Welfare and Development kabayatan ti agtultuloy a panang-monitor-da iti epekto ti habagat kadagiti sumagmamano a paset ti Luzon ken Visayas.
Naingato ti red alert status ti ahensia kasaruno ti pammilin ti National Disaster Risk Reduction and Management Council, a nangingato ti national alert status manipud blue nga agturong iti red alert gapu kadagiti weather system a mangap-apektar iti pagilian.
Segun ken ni DSWD Assistant Secretary Irene Dumlao, naka-heightened alert dagiti field office ti ahensia ken nakasagana dagiti relief resources tapno dagus a masungbatan ti pagkasapulan dagiti pamilia a naapektaran iti nabayagen a panagtudo ken panaglayus.
Kabayatanna, nasurok 3.4 milion a family food packs ti nakasaganan kadagiti warehouse ken strategic locations iti intero a pagilian.
