Naka-Blue Alert status ti Department of Social Welfare and Development Disaster Response Command Center kabayatan a mabambantayan ti tropical cyclone Saudel, a manamnama a sumrek iti Philippine Area of Responsibility (PAR) ita nga aldaw ken mapanaganan nga Obet.
Numan pay naibaba ti alert status dagiti sumagmamano a disaster response operations, agtultuloy ti 24/7 monitoring ken koordinasyon ti DSWD kadagiti ahensia ti gobierno ken lokal a gobierno tapno agbalin a nakasagana iti posible nga epekto ti bagyo, nangruna iti panaglayus ken landslide.
Addaan ti DSWD iti nasurok 3.7 milion a karton ti Family Food Packs a nakapuesto kadagiti nadumaduma nga strategic locations iti pagilian.
Adda pay nasurok P667 milion nga standby funds para iti disaster response operations.
Segun iti DSWD, nakasagana dagiti response team, logistics, ken relief supplies tapno dagus a maipatulod kadagiti lugar a mabalin a maapektaran ti saan a nasayaat a paniempo.
