Insayangkat ti Department of Social Welfare and Development (DSWD) babaen ti Disaster Response Management Group ti virtual meeting kadua ti regional directors iti Field offices iti ahensya ket napagpapatangan ti on-going response ken masangwanan a tignay inaig ti Tropical Depression Kristine.
Ti taripnong ket indauluan da Disaster Response Management Group undersecretary Diana Cajipe, Assistant Secretary Irene Dumlao, ken Special Assistant to the Secretary (SAS) Leo Quintilla ket panawaganda iti panangsigurado dagiti Field Offices nga agalerto iti disaster response ken maaddaan iti umanay a resources tapno maliklikan iti aniaman a possible nga epektot ti Tropical Depression Kristine.
Pinasingkedan ni Director Michael Cristopher Mathay iti Disaster Response and Management Bureau (DRMB) ti kasapulan a pannakikammayet tapno mapadaras ti produksyon ken logistics iti family food packs (FFPs).
Dayta ket mayataday iti bilin ni Secretary Rex Gatchalian nga ipaay iti insigida a tulong ken resource augmentation iti amin a local government units kangrunaan kadagiti maapektaran ti bagyo.
