Pinalagipan ti Department of Social Welfare and Development ti publiko a saan a mangted iti limos kadagiti ubbing iti kalsada, dagiti awan pagtaenganna ken Indigineous People ita nga umadani ti paskua.
Segun ken ni Pag-Abot Program Officer-in-Charge Division Chief Jennifer Casañas, ammoda nga ita a Ber months ket natural ti mangted, tumulong ken mangaasi, ket isu dayta ti kayatda nga yadal iti publiko a saan a husto ti mangted tulong wenno limos iti kalsada.
Katukad daytoy ti panawagan ti Anti-Mendicancy Law a mangiparparit iti panagpalama wenno panangted-limos kadagiti pampubliko a lugar.
Innayon ni Casañas nga adda husto a wagas tapno tumulong, kas ti Pag-abot Program-da, a mangipapaay iti suporta kadagiti street families iti intero a tawen.
Gagem ti programa a sumayaat ti biag ken karbenganda iti natalged ken husto a wagas.
