Nagpakdaar manen ti Department of Social Welfare and Development (DSWD) iti publiko kontra kadagiti scammer nga agpammarang kas opisial ti ahensia nga agiwaras ti madi a mensahe nga agikari ti tulong a kuwarta manipud P6,500 agingga P8, 500 kasukat ti personal nga impormasion.
Dagiti scam a mensahe a kangrunaan a maiwarwaras babaen ti text messages, ken Facebook messenger ket kasapulan a dagiti indibidwal ket agipatulod ti buo a nagan, contact number, ken address tapno mailista iti maipagarup a benepisyaryo ti maysa a programa ti DSWD.
Kiddawen pay dagiti scammer kadagiti biktima nga ikan isuda ti access iti GCash account tapno makaala ti kuwarta.
Nangited ni Asst. Secretary Irene Dumlao ti pakdaar ket inlawlawag na nga aniaman a klase ti panagswitik ket saan a palubosan ti aniaman nga ahensia ti gobierno.
