Pinasingkedan ni Social Welfare and Development Secretary Rex Gatchalian ti natibker a takder iti gobierno a panangparmek iti child labor iti pagilian kagiddan ti panagrambak ti Day Against Child Labor ita nga aldaw.
Segun ken ni Gatchalian, ti child labor ket mangag-agaw iti waya-waya, kina-inosente ken karbengan dagiti tunggal ubbing.
Impaganetgetna a napateg iti panagtitinnulong tapno labanan babaen ti natibker a linteg, panangted ti tulong iti kagimungan ken panangtulong kadagiti pamilia a maaddaan ti disente a trabaho.
Iti salinong ti SHIELD program iti DSWD, nasurok 12,000 child labors iti natulongan iti ahensya manipod 2021 agingga 2024 a ti 4,000 ket nakasublin iti pamiliada wenno lugarda.
Agtultuloy iti pannakitinnulong iti DSWD iti dadduma pay nga ahensya tapno makaited kadagiti programa a gagem a maikkan ti namnama ken dignidad dagiti ubbing ken masigurado a makabasada ken saan a maipasidong iti child labor.
