Pinasingkedan ti Department of Social Welfare and Development (DSWD) a saanda a nagkurang iti panagserbi ita 2025.
Segun ken ni DSWD Assistant Secretary Irene Dumlao, iti baet iti nagsasaruno a didigra iti pagilian ket kanayon a tumultulong iti DSWD kadagiti naapektaran nga umili.
Ti DSWD iti umun-una latta kadagiti lugar a maap-apektaran iti bagyo ken maudi a pumanpanaw tapno masigurado a natulongan amin a biktima ken maisubli a normal iti pagbiaganda.
Agtultuloy iti ahensya kadagiti dadduma a programa ken nagyaman gapu ta rimmuar iti survey iti Pulse Asia a pito manipod sangapulo a Pilipino iti agtalek iti DSWD.
Kinuna ni Dumlao a sursurotenda ti bilin ni Pres. Ferdinand Marcos Jr. a siguradoen nga awan ti mabaybay-an a Pilipino ken ipaay ti serbisyo a rumbeng a maawatda manipod iti gobierno.
