Inrusat ti Department of Social Welfare and Development ti umuna a phase ti expanded “Tara, Basa! Tutoring Program” iti pito a rehiyon iti intero a pagilian.
Kalpasan ti balligi a pilot implementation idiay National Capital Region idi August 2023 ket nakikammayet ti DSWD kadagiti local government units idiay Central Luzon, Central Visayas, Eastern Visayas Northern Mindanao, SOCCSKSARGEN (South Cotabato, Cotabato, Sultan Kudarat, Sarangani, General Santos City), ken CALABARZON (Cavite, Laguna, Batangas, Rizal, Quezon) tapno yatiddog ti tutoring program.
Segun ken ni DSWD Assistant Secretary for Disaster Response Management Group (DRMG) and Spokesperson Irene Dumlao, gagem ti programa a matulongan ti adadu a college student a marigatan a manggun-od ken mangleppas ti panagadalda babaen ti provision ti cash-for-work iti salinong ti reformatted educational assistance program.
Inlawlawag ni Dumlao a ti inisyatiba ket pakairamanan ti cash-for work component a mangipaay ti employment oppurtunities para ti 10,289 a second agingga fourth year college student kas tutors ken Youth Development Workers wenno YDWs.
Isuroda ti 85,213 nga incoming Grade 2 learners a marigatan nga agbasa ken non-readers a napili para iti programa.
