Impaganetget ti Department of Social Welfare and Development (DSWD) nga awan ti politika iti panagiwaras ti social protection programs ti DSWD para kadagiti indigent ken napanglaw nga umili.
Segun ken ni DSWD Director Edwin Morata iti Crisis Invetion Unit, adda polisiyada a nasurpt tapno masigurado a dagiti programa a kas ti Assistance to Individuals in Crisis Situation ken Ayuda sa Kapos and Kita Program (AKAP) ket masalsalakniban manipod pananggundaway babaen iti anoaman a political party wenno indibidual.
Ti sarita ni Morata ket sungbat iti alegasyon a naar-aramat ti programa iti ahensya bayat ti 2025 mididterm elections.
Iti pannaka-implementar to AKAP kinuna ni Morata a nangiruar ti iti Joint Memorandum Circular 2025-01 kadua ti Department of Labor and Employment ken ti Department of Economy, Planning, and Development tapno mamentenar ti integridad ti AKAP kas targeted social assistance program para kadagiti minimum wage worker.
Impaganetgetna nga ikaskaso amin iti DSWD nangruna dagiti tattao nga adda iti krisis, referral man wenno saan.
Iti salinong ti AICS program ket mabalin a mangipaa ti DSWD ti burial, medical, food, transportation assistance ken tumulong iti mabayadan iti ospital babaen ti issuance iti guarantee letters.
