--Ads--
Impaganetget ti Department of Social Welfare and Development a saan laeng a para kadagiti marigrigat ti programada nga Assistance to Individuals in Crisis Situation.
Segun ken ni DSWD Crisis Intervention Unit Director Edwin Morata, awan ti pilpilien nga estado iti biag ti AICS.
Dayta ket uray nangato wenno nababa ti pastrekda, nabaknang wenno saan, professional wenno saan, ken adda trabahona wenno awan.
Inlawlawagna pay a saan a basta laeng pinansial a tulong ti ipapaay ti programa no di ket adda pay ti psychosocial interventions ken dagiti serbisyo a mangtaming kadagiti parikut a sangsangwen ti maysa nga umili.
-- ADVERTISEMENT --
