Binabalaw ni Department of Social Welfare and Development (DSWD) Secretary Rex Gatchalian dagiti mangibagbaga nga agbalbalin nga “Ayuda Nation” ti pagilian, no sadino kaaduana a Pilipino ita ket mangnamnama laenh ti nadumaduma a government assistance.
Segun kenni Gatchalian, awan ti makita a dakes iti panangtulong kadagiti agkasapulan gapu ta daytoy ti mandato ti DSWD.
Innayonna pay ni Gatchalian nga adda criteria ti DSWD iti panangted ti ayuda ken adda dagiti long-term program tapno makalung-aw ti rigat dagiti benipisyaryo ken saanda a nakadepende iti ayuda.
Naka-focus pay ti administration ni PresidenT Marcos Jr. iti panangtulong kadagiti marigrigat nga umili babaen ti panangted ti napintas nga edukasyon a mangpadur-as iti ekonomiya ti pagilian.
