--Ads--
Agtultuloy ti panagited iti tulong ti Department of Social Welfare and Development kadagiti probinsia a naapektaran iti napigsa a gingined idiay Mindanao.
Segun ken ni DSWD, nakaipatuloddan iti P4.2 milion a gatad ti humanitarian assistance kadagiti apektado a pamilia, agraman dagiti family food packs ken dadduma pay a relief items.
Iti panagbisita ni Dr. Jorge Royeca City Hospital idiay General Santos City, nangted daytoy iti tulong-pinansial kadagiti pasyente.
Umaboten iti 126 a pasyente ti nakaawat iti sag-P10,000 a financial assistance iti panagbisita ni DSWD Secretary Rex Gatchalian idiay Sarangani Provincial Hospital idinto a 295 a pasyente met ti naikkan iti cash aid iti Dr. Jorge P. Royeca City Hospital idiay General Santos City.
-- ADVERTISEMENT --
