Ad-adalen ti Department of Social Welfare and Development (DSWD) ti panangipila iti kaso kontra kadagiti host ti podcast a “Machong Chismisan” gapu iti mapapati a panaglabsingda iti Magna Carta for Persons with Disabilities.
Segun ken ni DSWD Spokesperson Irene Dumlao, kumun-konsultan ti ahensia kadagiti legal officer-na ken agsapsapuldan kadagiti ebidensia iti baet ti panagkiddaw iti pammakawan dagiti host.
Impaganetget ni Dumlao nga adda katukad a pannusa ti panangibabain, pananguyaw, ken panangdadanes kadagiti persons with disabilities (PWD), online man wenno iti publiko.
Numan pay mabigbigbig ti freedom of expression, impaganetget ti DSWD a nasken a dayawen ti karbengan ti dignidad dagiti PWD ken saan a pagbalinen a nakakatkatawa dagiti adda rangkapna.
