--Ads--
VIGAN CITY – Nabayagen a sipsiputan dagiti pannakabagi ti linteg ti menor de edad a nakemmeg iti naiwayat a buy bust operation idiay Zone 6, Bantay.
Iti pannaki-uman ti Bombo Radyo Vigan ken ni PLt. Jumar Castro nga OIC iti Ilocos Sur Provincial Drug Enforcement Unit, ti suspek nga agtawen ti sangapulo ket pito ket user ken pusher nga agnaed iti nasao a lugar.
Segun ken ni Castro, adun iti naawatda nga impormasyon nga adda dagiti agturturong iti pagtaengan ti suspek ngem iti daytoy laeng a bulan a nasiputanda.
Innayonna a datin a nakemmeg ti suspek inaig met laeng iti illegal a droga.
-- ADVERTISEMENT --
Naala manipod ti suspek iti tallo a sachet ti mapapati a marijuana ken lima gasut a pisos a buy busy money.
