VIGAN CITY – Kaso a panaglabsing iti RA 9165 wenno Comprehensive Dangerous Drugs Act of 2002 iti sanguen ni Alexander Villon, agtawen iti tallopulo ket uppat, naasawaan nga agnaed idiay Brgy. Lapting, San Juan ti naiwayat a buy bust operation idiay Napo Sitio Parada, Magsingal idi kalman.
Iti pannaki-uman ti Bombo Radyo Vigan ken ni PDEA Provincial Officer AI III Anabelle Cabarles, nabayagen a sinipsiputanda ti suspek ta idi pay laeng nangrugi iti quarantine ket ti modus nga araramidenna ket agalada dagiti mailako a kas iti mula ken alikamen idiay Baguio a maipan ditoy probinsia tapno maigiddanda dagiti kontrabando.
Naala kenkuana ti maysa a heat sealed transparent sachet a nagserbi a buy bust item, tallo a babassit a sachet iti mapapati a shabu a mapatta patta nga agdagsen iti 0.5 a gramo nga aggatad iti tallo ribo uppat a gasut a pisos, sangaribo a pisos a nagserbi a buy bust money, maysa a nangisit a papel, maysa a cellphone ken maysa a nangisit a wallet a naglaon iti nadumaduma a card.
