VIGAN CITY – Nakemmeg ti maysa a babai kalpasan a naalaan ti shabu iti uneg ti bag na idiay Cabugao iti kangitingitan ti enhanced community quarantine.
Segun ken ni Police Captain Ramil Llarenas, nakaawat ti tawag ti kapitan ti Brgy. Caellayan ta adda ti limmasat a babai ken lalaki a nangibaga a mapanda gumatang ti sanja ngem awan ti naipakitada a barangay pass slip.
Insigida a nagresponde ti kapitan ti Brgy. Caellayan ket kinapkapanda ti babai agingga nakita iti uneg ti bag na ti maysa a sachet ti shabu.
Gapu iti dayta, naipaima ti babai kadagiti pannakabagi ti linteg ket sangwenna ti kaso a panaglabsing iti Article 151 of Revised Penal Code in relation to non-community quarantine idinto a ti lalaki a kadwana ket kitkitaenen ti pulisya nu adda ti pakainaiganna iti iligal nga aramid ti suspek.
