VIGAN CITY – Kaso a panaglabsing iti Republic Act 9165 wenno Comprehensive Dangerous Drugs Act of 2002 ti sangwen ti maysa a lalaki a nakemmeg iti search warrant operation idiay Turod, Narvacan.
Nabigbig ti suspek a ni Khalid Raganit, agtawen iti tallopulo ket dua a taga-Turod, Narvacan, High Value Individual ti PDEA Target List iti Regional Level.
Tallo a piraso ti elongated small transparent plastic sachet ti shabu nga aggatad iti tallo a ribo a pisos ken uppat a piraso ti transparent plastic sachet a naglaon iti mapapati a napagango a bulong ti marijuana nga agdagsen iti pito a gramo ket pito a ribo a pisos ti gatadna.
Naipan ti suspek iti ISDH Narvacan para ti Physical ken Medical Examination ngem nayakaren idiay Narvacan Police Station pakairamanan dagiti naala a kontrabando.
