VIGAN CITY – Agsusukot a kaso a panaglabsing ti Republic Act 9165 wenno Comprehensive Dangerous Drugs Act of 2002, Republic Act 9516 wenno ti possession of explosives ken Republic Act 10591 wenno ti illegal possession of firearms and ammunition act ti sangwen ti suspek a nakemmeg iti naiwayat a buy bust operation idiay Brgy. Poblacion, Norte, Lidlidda.
Nabigbig ti suspek a ni Jojo Desumala, agtawen ti uppat a pulo ket uppat, drug surrenderer nga agnaed idiay Brgy Bequi-Walin iti nasao nga ili.
Naala kenkuana ti maysa a bassit a heat sealed plastic sachet ti maatap a shabu nga isu nagserbi a buy bust item, uppat a babassit a sachet ti shabu nga adda iti ikotna, maysa a sangaribo a pisos a buy bust money, maysa a granada, ken maysa a caliber 45 pistol nga addaan iti uppat a bala.
Mapatta-patta nga aggatad ti tallo ribo uppat a gasut a pisos dagiti naala kenkuana nga iligal a droga nga agdagsen ti 0.5 a gramo.
