Balligi a naisayangkat ti buy-bust operation a nakakemmegan ti maysa a lalaki idiay Brgy. Salindeg, Vigan City, Ilocos Sur.
Nabigbig ti suspek a ni Marvin Pablico Ancheta, agtawen iti tallopulo, residente iti Brgy. III, Vigan City.
Iti pannaki-uman ti Bombo Radyo Vigan ken ni Police Lieutenan Amado Somera, babaen iti COPLAN “UTEP” nga insayangkat ti Vigan City Police Station ken buy-bust operation ket balligi a nakemmegda iti suspek a drug surrenderee.
Naala manipod iti suspek ti 0.5 grams ti shabu nga aggatad P3,400 a nakaipan iti tallo a piraso ti heat-seaked transparent plastic sachets .
Dagiti met non-drug evidence a naala ket pakairamanan ti P1,000 genuine buy-bust money, dua a piraso ti black ken white lighters, unit blue vivo android cellphone, maysa a bubble gum wrapper, papel nga nausar a pangidulin iti shabu, ken tricycle.
Pinili ti suspek ti lugar a pakaisayangkatan ti operation ta asideg ti pagubraanna.
