VIGAN CITY – Nakemmeg iti buy bust operation ni Hecson Harley Villon Upano, agtawen iti duapulo ket walo, drug surrenderee, ken nailista a kas Street Level Individual, taga-Barangay Lira, San Juan.
Naaktuan ti suspek nga agilaklako iti maysa a heat sealed transparent plastic sachet a naglaon iti shabu iti maysa a poseur buyer.
Naala manipud iti ikot ti suspek ti maysa a heat sealed transparent plastic sachet a naglaon iti shabu; maysa a genuine one-thousand peso bill buy bust money; tallo a piraso ti one-thousand peso bill a nagserbi a boodle money; ken maysa a twenty peso bill.
Malaksid dayta, adda pay ti COMELEC ID; Covid vaccine card; passport; driver’s license; sigarilyo; lighter; belt bag; cellphone; wallet; motorsiklo; ken helmet. Dagiti iligal a droga a naala ket agdagsen iti 2.63 grams nga aggatad iti PHP17,924.
Iti pannaki-uman ti Bombo Radyo Vigan ken ni Police Major Benjamin Raquedan, mapapati nga idi pay laeng napan a tawen nga agilaklako iti iligal a droga ti suspek ken babaen iti GCASH dagiti dadduma a transaksyon.
Saan laeng nga iti uneg ti ili no di ket uray kadagiti sabali a lugar ket agilaklako ti suspek.
Nupay kasta, sangwenna ti kaso a panaglabsing iti Republic Act 9165 wenno Comprehensive Dangerous Drugs Act of 2002.
