VIGAN CITY – Nabuy-bust idiay Magsingal ni Gaudencio Ronquillo, agtawen iti limapulo ket lima, drug surrenderee idi 2016, Top 10 Priority Target List ti provincial level, High Value Individual ken karaman iti PDEA Target list.
Pinasingkedan ni PMaj. Joel Del Castillo a gapu ta maysa a drug surrenderee ti suspek ket saan a nagsardeng dagiti pannakabagi ti linteg a mangmonitor kenkuana ket naduktalanda a nagsubli manen iti iligal nga aramidna.
Naala kenkuana ti maysa a plastic heat sealed sachet ti shabu a nagserbi a buy bust item, uppat a sachet ti shabu nga agdagsen iti 0.5 grams a ti DDB value na ket PHP2,400 ken addaan iti street value a PHP5,000.
Gapu ti dayta, sangwen ti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
