VIGAN CITY- Natay ni Chris Ilmeng, tricylce driver , drug surenderer ken taga Brgy. Jordan ,Sinait ta pinaltugan ti saan a nabigbig a suspek idiay Brgy. Katipunan ,Sinait idi kalman.
Segun kenni PS/Insp. Edmund Artates, hepe ti Sinait Municipal Police Station, adda ti intulod ti biktima a pasahero na idi napasamak ti pammaltog a nakatamaan ti nadumaduma a paset ti bagi na kas ti ulo ken barokong babaen iti caliber 45 kas maibasar kadagiti basyo ti bala a naala iti nakapasamakan iti krimen.
Dwa a motibo ti nakita dagiti otoridad iti krimen kas iti pannakairaman na iti iligal a droga ta nakasuan idi ti panaglabsing iti Republic Act 9165 wenno Comprehensive Dangerous Drugs act of 2002 ken dimmalan iti community based rehabilitaiton program ken adda pay ti nakariri na itay kallabes.
Pinatalgedan ni Artates nga adda idi ti kaso ti biktima a panaglabsing iti RA 7610 wenno Violation Against Women and their Children act gapu iti panangkabil na iti dati a nobya na ngem naareglo met laeng.
