VIGAN CITY- Sangapulo ket maysa a kapsula ti cal. 45 iti narekobre dagiti pannakabagi ti linteg iti nakasaran iti bangkay ni Marcus Lamadrid, agtawen iti lima pulo ket maysa, naasawaan ken taga-Rizal, Tagudin, Ilocos Sur a mapapati a pinaltugan dagiti riding in tandem suspects idiay Brgy. Magsaysay, iti nasao nga ili.
Segun ken ni PSInsp. Omar David, hepe ti Tagudin municipal police station, posible a makagura wennu makapungtot dagiti suspek a nangpatay ti biktima gapu ti kina-adu dagiti nasarakan da a kapsula ti paltog.
Kinumpirmaran met ni David a ni lamadrid ket maysa kadagiti drug surrenderee ti lugar da ken maikanem iti drug watchlist iti ili ngem naduktalan a sakbay iti pannakapapatay na ket aktibo kas drug pusher.
Kabayatanna, pinaglibakan met iti hepe a ti lalaki ket biktima ti salvage gapu ta nu salvage ti napasamak ti biktima ket saanen kuma nga idiay Tagudin iti nakasarakan iti bangkay na nu di ket iti sabalin a lugar.
