VIGAN CITY – Dead on arrival iti ospital ni Michael Blaza Torres nga agtawen iti uppat a pulo ket dua, naasawaan, maysa a butcher wennu partidor, drug personality ken agnaed idiay Bangbangar, Bangued, Abra gapu iti panangpaltog kenkuana dagiti riding in tandem suspects idiay Washington St., Zone 2, Bangued, Abra idi alas sais singkwenta y singko iti agsapa idi June 12.
Agawid kuman ti biktima a nakalugan iti motorsiklo, kadua na iti agtawen ti sangapulo ket maysa a putot na, idi adda dagiti riding in tandem suspects a nangdungpar iti akin-sango a pilid iti motorsiklo a poon iti nakaawanan ti biktima iti kontrol iti manibela isu a natumba da nga agama.
Insigida a timmakder dagiti agama idi natumba da ngem isun iti panangpaltog dagiti suspek ken ti biktima iti mamin-dua a daras.
Ti agdama, kitkitaen a naimbag dagiti otoridad nu anya iti motibo ti krimen ken nu adda kainaigan na iti kina-drug personality ti biktima iti napasamak wennu awan.
