Tallo manipod iti lima a submersible drones a narekubre iti kabaybayan iti Pilipinas idi 2022 agingga 2024 ket posible nga ideploy iti China, kas kinuna ti maysa a Philippine Navy official.
Segun ken ni National Security Council Assistant Director General Jonathan Malaya, ti forensic examination ket mapapati a nagtaud dagita iti China.
Kinuna ni Philippine Navy Spokesperson for the West Philippine Sea Rear Admiral Roy Trinidad, limapulo ket lima agingga walopulo a porsiento a maipada iti undersea platforms iti indeploy ti Chinese Communist Party.
Nu apay a maibagada a kukua ti Chinese ket gapu ta amin a markings ket naaramid idiay China.
Dayta ket kabaelanna a makaawat, agproseso, ag-store ken ag-transmit iti data babaen ti satellite communications kadagiti station iti kadagaan agingga iti mothership agingga iti sabali pay a drones.
Bayat a saan dayta a categorical ket adda iti dakkel a posibilidadna.
Kinuna ni Trinidad a ti kaunaan a submersible drone ket nasarakan idiay Pasuquin, Ilocos Norte idi July 2022; maikadua iti kabaybayan iti Zambales idi September 2022; ken maikatlo idiay Calayan Island, Cagayan idi August 2024; maikapat idiay Initao, Misamis Oriental idi October 2024; ken maudi idiay San Pascual, Masbate idi December 2024.
